Tagalog news: Antipolo CDRRMO pinangunahan ang Disaster Preparedness Week

LUNGSOD NG ANTIPOLO, RIZAL, Hunyo 20 — Nanguna sa pagsasagawa ng mga pagsasanay ang Antipolo City Disaster Risk Reduction and Management Office (CDRRMO) noong Disaster Preparedness Week ngayong Hunyo.

Nakapagbigay ang tanggapan ng mga seminar tungkol sa tamang pamamaraan at paghahanda sa tuwing may darating na sakuna o trahedya gaya ng lindol, bagyo, pagbaha at sunog.

Isinagawa ang nasabing pagsasanay sa mga tanggapan ng Our Lady of Fatima University, De La Salle Antipolo, San Antonio Parish, Barangay Mambugan. Dumalo rin sa aktibidad ang non-government organization na Guardians.

“Nagpapasalamat kami sa mga tanggapang sumusuporta sa amin sapagkat sila na mismo ang sumasagot sa mga kinakailangang gamit para sa pagsasanay. Ang Antipolo CDRRMO naman ang nagsasagawa ng seminars at nagbibigay ng tamang kaalaman sa kanila,” ayon kay Antipolo City DRRM Officer Joey Marco

Ayon sa CDRRMO, bagamat sa kakulangan ng budget ng opisina ay patuloy pa rin ang mga pagsasanay na isinasagawa nito upang mabigyan ng sapat na kahandaan at kakayanan ang mga mamamayan ng Antipolo.

Bukod sa mga pagsasanay at drill nakapagsagawa rin ang CDRRMO ng Information Education Campaign (IEC) sa iba’t ibang panig ng lungsod sa pamamagitan ng pamamahagi ng IEC materials na naglalaman ng mga kaalaman hinggil sa paghahanda sa sakuna o trahedya na nagmula sa national government. (Antipolo PIO)
-http://www.pia.gov.ph/news/index.php?article=2261371526447

Tagalog news: Antipolo City ipinagdiwang ang Ika-115 Araw ng Kalayaan

LUNGSOD NG ANTIPOLO, Rizal, Hunyo 13 — Nagsagawa ng simpleng pagdiriwang at pag-aalay ng bulaklak ang Pamahalaang Panglungsod ng Antipolo upang gunitain ang ika-115 anibersaryo ng pagpoproklama ng kalayaan nitong Hunyo 12 sa Antipolo City Hall.

Ayon kay Antipolo City Mayor Nilo Leyble ang pagdiriwang na ginawa ay ang pinakapayak na ginawa ng lungsod.

“Kahit simple lang na pagdiriwang, ipinakikita natin ang pagmamahal natin sa ating bayan at pakikiisa sa pagdiriwang ng bansa para sa Pambansang Kalayaan,” ani Mayor Leyble.

Pinangunahan ng pamahalaang panglungsod ang pagdiriwang kasama ang Department of Education (DepEd) Division of Antipolo at City Culture, Arts and Tourism Promotion Office (AnCCATPO).

Kabilang din sa mga dumalo ang ilang konsehal, department head at program heads, pulisya at mga opisyales ng Public Order and Safety Department. (Antipolo PIO)
-http://www.pia.gov.ph/news/index.php?article=2261371088219

Tagalog news: Comelec-Antipolo tuloy ang serbisyo sa kabila ng sakuna

LUNSOD NG ANTIPOLO, Rizal, Hunyo 10 (PIA) — Patuloy ang serbisyo publiko ng Commission on Elections (Comelec) Antipolo sa kabila ng naganap na sunog na nakaapekto dito kamakailan.

Muntik masunog ang tanggapan ng Comelec kasama ang ilang importanteng dokumentong kaugnay sa eleksyon na ginanap nitong Mayo.

Kasalukuyang nag-oopisina ang tanggapan sa parking area ng Antipolo City Hall at patuloy ang mga transaksyon sa mamamayan ng Antipolo tulad ng pagkuha ng Voter’s ID na hindi pa nakuha bago mag-eleksyon.

Hindi man tuluyang natupok ng sunog ang Comelec ay nabasa naman ang mga importanteng dokumento dala ng pagbuhos ng mga bumbero ng tubig sa ikalawang palapag ng gusali kung saan matatagpuan ang City Library.

Nagsimula ang sunog sa isang gusaling pagawaan ng kandila na tumupok sa maraming kabahayan hanggang sa makarating sa gusali kung saan nag-oopisina ang City Library at Comelec. (CPG/GG-PIA4A Antipolo PIO)
-http://www.pia.gov.ph/news/index.php?article=2261370494844

Tagalog news: Antipolo PESO job fair muling dinagsa

LUNSOD NG ANTIPOLO, Rizal, Hunyo 10 — Tinangkilik ng mga naghahanap ng trabaho sa lungsod ng Antipolo ang job fair ng Antipolo Public Employment Service Office (PESO) na ginanap sa Victory Park and Shop Multi-Purpose Covered Court noong Hunyo 1.

Pinangunahan ng City Government sa pamamagitan ng PESO at ilang business establishment at employers sa lungsod ng Antipolo.

Ayon kay Antipolo PESO Head Engineer Roger Atim muling bumuhos ang mga aplikante para sa kanilang job fair sa pagbubukas ng buwan ng Hunyo.

“Marami na naman tayong natulungang mga kababayan para sa ‘Hanap Trabaho para sa Antipolenyo 2013’. Nagpapasalamat tayo sa mga employers at business establishment na nakibahagi sa ating jobs fair. Nakakatuwa dahil marami sa ating mga kababayan ang nabigyan ng trabaho on-the-spot,” sabi ni Atim.

Halos 2,000 aplikante na nagtungo sa job fair ang na-interview ng mga employers ayon sa tala ng PESO. Mahigit 1,000 sa mga ito ay nag qualify sa kani-kanilang inaplayang trabaho at 106 aplikante ang natanggap ng hired-on-the-spot (HOTS).

Nakibahagi ang halos 70 business establishment at kanilang mga empleyado kasama ang local at overseas employment agency sa naturang job fair kabilang ang SM group of companies at ibang employers sa lungsod ng Antipolo. Dumalo rin ang ilang kawani ng Department of Labor and Employment (DOLE) Rizal sa pangunguna ni Melissa Montalbo. (Antipolo PIO/GG-PIA4A)
-http://www.pia.gov.ph/news/index.php?article=2261370494765

Tagalog news: Antipolo CEWMO nagsagawa ng ‘Linis Creek’

LUNSOD NG ANTIPOLO, Rizal, Hunyo 10 (PIA) — Nagsagawa kamakailan ng “Linis Creek Operation” ang Antipolo City Environment and Waste Management Office (CEWMO) sa kahabaan ng Sapang Tae Creek, Barangay San Roque nitong Mayo 30 bilang tugon sa Memorandum Circular No.2011-11 ng Department of Interior and Local Government (DILG).

Ang operasyon ang buwanang programa ng CEWMO bilang pagsunod sa inilabas na memorandum circular ng DILG na nag-uutos sa mga local government unit (LGU) na magsagawa ng regular na paglilinis ng mga estero, kanal at maging mga ilog upang masolusyunan ang lumalaking problema ng bansa sa baha.

Ang buwanang programa ng tanggapan ay sinasagawa tuwing ikatlong linggo ng buwan kaakibat ang ibang opisina ng lungsod ng Antipolo gaya ng General Services Office (GSO), Task Force Manila Bay (TFMB), Clean and Green Program (CNG) at ang Public Information Office (PIO).

“Isinasagawa ito ng aming tanggapan bilang ahensya ng lungsod ng Antipolo na nangangalaga sa ating kalikasan sa pamamagitan ng pagkakaroon ng buwanang ‘linis creek operation.’ Nagkakaroon ng koordinasyon sa iba pang ahensya ng pamahalaan na nagtutulong-tulong upang maisagawa ito at makaiwas sa anumang sakuna na maaaring idulot kung mananatiling madumi at barado ang ating mga daluyan ng tubig gaya istero, kanal at ilog,” ayon kay Jocelyn Masangkay, pinuno ng CEWMO.

Ginagawa ang Linis Creek Operation sa nasabing daluyan ng tubig bilang paghahanda sa darating na tag-ulan kung saan nagkakaroon ng malaking pagbaha.

Nakakolekta ng 85 sako ng basura na binubuo ng mga plastic, styrofoam, putol ng kahoy at tinabas na damo na nagiging sanhi ng pagbabara ng mga daluyan ng tubig ang 24 empleyado ng lungsod ng Antipolo na nakibahagi sa paglilinis. (GG-PIA4A/Antipolo PIO)
-http://www.pia.gov.ph/news/index.php?article=2261370498546

Tagalog news: Qualified senior citizens ng Antipolo tumanggap ng quarterly pension

LUNSOD NG ANTIPOLO, Rizal, Abril 10 — Tinanggap ng mga nakatatandang mamamayan sa lungsod ng Antipolo ang kanilang quarterly pension mula sa Department of Social Welfare and Development (DSWD) sa pakikipagtulungan ng City Social Welfare and Development Office, Office of Senior Citizens Affair (OSCA) at Antipolo Federation of Senior Citizens, Inc. (AFSCI).

Binati din ni Antipolo City Mayor Nilo Leyble ang mga Senior Citizens na may edad 77 at pataas na kabilang sa mahihirap na mamamayan sa lungsod ng Antipolo. Binigyan ng lokal na pamahalaan ng pag-asa at pasasalamat ang mga nakatatanda.

Mahigit kumulang sa 100 senior citizens ang tumanggap ng P500 bawat isa. Pinangasiwaan ng CSWD ang evaluation sa mga kuwalipikadong matatanda na kung saan dapat kabilang sila sa mga mahihirap at walang ibang inaasahang mapagkakakitaan. (Antipolo PIO)

–http://pia.gov.ph/news/index.php?article=2261365559626

Tagalog news: Operation libreng tuli handog ng Antipolo CHO

LUNSOD NG ANTIPOLO, Rizal, Abril 10 — Isinagawa kamakailan ng Antipolo City Health Office (CHO) ang “Operation Libreng Tuli” para sa mga mahihirap na kabataan sa lungsod ng Antipolo.

Ginaganap ng CHO ang programang tuwing bakasyon taon-taon para sa mga kabataang lalaki mula siyam hanggang 15 taon.

Ayon kay Dr. Antonio Reillo Jr., City Health Officer, malaking tulong ito sa mga kabataang taga Antipolo, lalo na sa mga mahihirap na mamamayan na nais magpatuli nang ligtas at maayos.

“Panahon na naman ng bakasyon, at ito ang pagkakataon na magkaroon tayo ng operation libreng tuli. Ipagkakaloob natin dito ang libreng anestisya at pagtutuli para sa mga kabataan na maaari nang tuliin. Malaking bagay ito sa kanila at iwas impeksyon pa dahil dito sa health center natin isasagawa,” sabi ni Dr.Reillo.

Mahigit kumulang sa 50 kabataang lalaki ang sumalang sa libreng pagpapatuli. Pawang nasa edad 11 hanggang 14 na taon. Nagpapasalamat naman ang mga magulang ng mga batang natuli sa pagkakataon na ibinigay sa kanilang mga anak. (Antipolo PIO)

–http://pia.gov.ph/news/index.php?article=2261365559599

Tagalog news: Antipolo CEWMO, SM City Masinag nagkaisa sa idaraos na Earth Hour 2013

LUNGSOD NG ANTIPOLO, Marso 19 (PIA) — Nagkaisa ang Antipolo City Environment and Waste Management Office (CEWMO) at SM City Masinag sa paghahanda sa idaraos na Earth Hour 2013 sa Marso 23 mula 8:30 hanggang 9:30 ng gabi sa mall open ground.

“Isang magandang pangyayari ang pagkakaisa ng CEWMO at SM City Masinag para sa pagdaraos ng Earth Hour kung saan ipinapakita natin ang ating malasakit sa ating kalikasan dahil hindi lamang ito para sa atin kundi para na rin sa susunod na henerasyon na sa pagdating ng panahon masilayan pa rin nila ang ganda ng kalikasan na tinatamasa natin ngayon,” ayon sa pinuno ng CEWMO na si Jocelyn Masangkay.

Isinasagawa ang Earth Hour taon-taon sa buong mundo kung saan nagkakaisa sa iisang layunin para sa kalikasan sa pamamagitan ng pagpapatay ng ilaw sa mga tahanan, opisina, pasilidad at mga signages na ginagamitan ng kuryente sa loob ng isang oras mula 8:30 hangang 9:30 ng gabi. Isa itong hakbang sa patuloy na aksyon laban sa climate change, makatipid sa enerhiya at bilang pagkalinga sa kalikasan at maiwasan ang pagkasira nito.

Magkakaroon din ng switching off light ceremony na gaganapin sa open ground ng mall kasunod ang programa kung saan mapapanood ang iba’t ibang pagtatanghal gaya ng sayawan, kantahan at iba pang aktibidad na lalahukan ng mga talent ng Antipolo at mga kilalang personalidad. (PIO/GG/CPG/PIA-4A)

–http://pia.gov.ph/news/index.php?article=2261363656690

Sec. Roxas awards brand new firetruck to Antipolo city gov’t

ANTIPOLO CITY, Rizal, March 1 (PIA) — Antipolo City has received a brand new Rosenbauer TLF fire truck from Department of the Interior and Local Government at a turnover ceremony at the PNP Grandstand, Quezon City

The fire truck was acquired from the Austrian government represented by Ambassador Wilhelm Donko was received by Antipolo Mayor Danilo Leyble.

“We thank President Noynoy Aquino and DILG Secretary Mar Roxas for providing the new Rosenbauer fire truck which will be of great help to our city. We will also continuously support programs for the betterment of our citizens and country,” Leyble said.

Antipolo City was among the 38 local government units who received the fire Trucks from Secretary Roxas. The criteria in selection of recipients include the population ratio; population density; number of fire incidents; number of deaths and injuries and the amount of population as prepared by the National Economic Development Authortiy (NEDA).

Secretary Roxas thanked the local government units in implementing the Aquino administration’s programs.

“The distribution of fire trucks is part of the late Secretary Jesse Robredo’s program of modernizing the Bureau of Fire Protection (BFP). We hope that we will that the citizens will continue to support us in order for us to provide more services to them” said Sec. Roxas

The new fire truck is capable of discharging 2,400 liters of water per minute at 62 meters horizontally and 24 meters vertically or equivalent to an eight storey building. Small hoses can be pulled out for quick response suppression while a rapid intervention hose can use chemical suppressants to fight chemical-caused fires. (PIO/CPG/GG/PIA-4A)

–http://pia.gov.ph/news/index.php?article=2261362094336

DTI-Rizal accredits hypermarket’s consumer welfare desk

ANTIPOLO CITY, Rizal, Feb. 20 (PIA) — The Department of Trade and Industry (DTI)–Rizal Provincial Office awarded the Certificate of Accreditation for Consumer Welfare Desk to SM Hypermarket-Antipolo Branch.

The Certificate of Accreditation was personally awarded by DTI-Rizal Provincial Director Mercedes Parreño to Mr. Novie Singuay, supervisor of SM Hypermarket in a simple ceremony held at the DTI-Rizal Office last February 14, 2013.

The setting up of Consumer Welfare Desk (CWD) in different business establishments is a DTI program which aims to address the complaints of consumers in a fast, hassle-free and effective manner right there at the place where the purchase was made.

The CWD program highlights the cooperation between the government and the business sector in giving high priority in upholding consumers’ rights.

At present, DTI-Rizal has already accredited 61 Consumer Welfare Desks in the whole province of Rizal which is composed mainly of big supermarkets, groceries and retail stores, appliance stores and repair shops, and motorcycle stores.

With the vibrant economy and growing population in Rizal, it is expected that more retail establishments will be established. Hence, DTI-Rizal will continue to help business establishments to set up CWDs that will address and resolve consumer complaints of Rizaleños immediately. (DTI-Rizal/CPG/GG/PIA-4A)

–http://pia.gov.ph/news/index.php?article=2261361316258